मुंबई : अरबी समुद्रात तयार झालेले निसर्ग चक्रीवादळ आता तीव्र झाले असून, ते ईशान्येकडे अलिबागच्या दिशेने पुढे सरकत आहे. रत्नागिरीत वाऱ्यांचा वेग ताशी ५९ किलोमीटरपर्यंत वाढल्याची नोंद झाली असून, मुसळधार पाऊसही पडत आहे. वादळाचा केंद्रबिंदू आकुंचन पावत असल्यामुळे वाऱ्यांचा वेग प्रचंड वाढत आहे. कोकणातील वाऱ्यांचा वेग ताशी १२० किलोमीटरपर्यंत जाऊ शकतो, असा इशारा हवामान विभागाने दिला आहे. त्यामुळे नागरिकांनी घराबाहेर पडू नये, पक्क्या घरातच राहावे, असा इशारा देण्यात आला आहे. तसेच, स्थानिक प्रशासनाने दिलेल्या सूचनांचे पालन करावे. राष्ट्रीय आपत्ती निवारण दलाच्या २० तुकड्या राज्यात तैनात करण्यात आल्या आहेत.
तीन जून २०२० - भारतीय हवामान विभागाने सकाळी १० वाजता प्रसिद्ध केलेल्या पत्रकानुसार निसर्ग चक्रीवादळाची स्थिती...
........
तीन जूनला सकाळी साडेनऊ वाजता निसर्ग चक्रीवादळ अरबी समुद्रात ७२.५ अंश पूर्व आणि १७.६५ अंश उत्तर या अक्षांश-रेखांशावर होते.
हे स्थान अलिबागच्या दक्षिण-नैर्ऋत्येला ११५ किलोमीटर अंतरावर
मुंबईच्या दक्षिण-नैर्ऋत्येला १६५ किलोमीटर अंतरावर
सुरतच्या दक्षिण-नैर्ऋत्येला ३९५ किलोमीटर अंतरावर आहे.
केंद्रबिंदूजवळ वाऱ्यांचा वेग - ताशी १०० ते ११० आणि १२० किलोमीटरपर्यंत
.........
किनाऱ्यांवर वाऱ्यांचा वेग (ताशी किलोमीटर) (तीन जूनला सकाळी साडेनऊ वाजता)
रत्नागिरी - ५९
हर्णै - २८
कुलाबा - नऊ
सांताक्रूझ - ११
डहाणू - दोन
.......
पाऊस (मिमी) (तीन जूनला सकाळी साडेआठपासून साडेनऊपर्यंतच्या तासाभरात)
रत्नागिरी - १०
हर्णै - ५४
कुलाबा - १
सांताक्रूझ - ०.४
..........
गेल्या सहा तासांत वादळ ताशी १४ किलोमीटर वेगाने ईशान्येकडे सरकले. हे वादळ आणखी तसेच पुढे सरकत, अतितीव्र रूप धारण करून तीन जूनच्या दुपारपर्यंत अलिबागच्या दक्षिणेला धडकेल. वाऱ्यांचा वेग ताशी १०० ते १२० किलोमीटरपर्यंत असेल.
वाऱ्यांचा वेग असा असेल - (ताशी किलोमीटर)
रायगड, मुंबई आणि ठाणे परिसर - १०० ते १२०
रत्नागिरी आणि सिंधुदुर्ग, ठाणे, पालघरचा काही भाग - ८५ ते १०५
वलसाड, नवसारी (गुजरात) - ६० ते ९०
.........
लाटांची उंची (मीटर) (नेहमीपेक्षा इतकी जास्त अपेक्षित)
अलिबाग - ०.५ ते १.५
पेण - ०.८ ते १.१
ठाणे - ०.५ ते १.१
दापोली - ०.५ ते ०.८
गुहागर - ०.५ ते ०.६
वसई - ०.५ ते ०.६
.....
समुद्रकिनाऱ्यापासून इतके किलोमीटर आतपर्यंत पाणी जाण्याची शक्यता
अलिबाग - १.४ पर्यंत
पेण - २.८पर्यंत
ठाणे - ०.३४पर्यंत
दापोली - ०.१ पर्यंत
गुहागर - ०.२२पर्यंत
वसई - १.११पर्यंत